Nā Te Tumuaki

Tuia re rangi e tū, tuia te papa e takoto nei. Tuia te aroha o te mana, te tapu, te ihi, te wehi, kia titi. Ki ngō tātou ngākau, hei pikinga kaha, hei pikinga ora mō tātou katoa.

Kia tau iho ngā toimairangi atawhai o te Kaha rawa ki runga i tō tātou kuini a Ngāwai hono i te pō, otirā, tōna whānau ake tae atu ki te whare kāhu ariki. Pai mārie, pai mārie hoki te tumuaki a Hone, rātou hoki tōna whānau rirerire pai mārire. Ki ngā mate huhua koia tēnei te aroha, ki ngā kurupounamu, ki ngā mārei kura, ki ngā whatu kura kin ngā pitau whakarie, tae atu anō ki ngā ipo kahuranga, koutou kua tōkia te kiri e te anu mātao, heare, haere okioki, okioki atu.

Okioki i te urunga, te take, te moenga, te whakaarahia moe mai rā koutou, i te āhurutanga me te ringa atawahi o te Atua.

E ai kī a Kīngi Tāwhiao, he tau pai te tau, he ora te tau, he tau ngehe te tau, he tau whaine to tau.

He mihi manawaru tēnei ki a koutou te whānau o tū tātou kura, Te Wharekura o Te Rau Aroha nei ka mihi atu, ka mihi atu.

Ko te inoi o te ngakau, kia tau iho ai nga manaakitanga o Ihowa ki a tātou katoa, Ina rā hoki koia tō tātou piringa i te ao, i te pō. Wheoi anō, ko tēnei ka mihi ki a tātou, mai i ngā tai pakeke, tae atu hoki ki ngā tātou tamariki mokopuna.

Mauri ora, ki te whai ao, ki te ao mārama.

Tumuaki